İlk məktəb ili övladlarımızın həyatında əsl keçid mərhələsidir. Bu mühüm hadisəyə hazırlaşmaq valideynlərin üzərinə düşən əsas vəzifələrdən biridir. Məktəbli çantası və dərslikləri seçməklə yanaşı, bütün lazımi ləvazimatları hazırlamaq da, eyni dərəcədə vacibdir. Birinci sinif şagirdinin yeni mühitə asan uyğunlaşması və təhsili üçün lazım olan məhsullar barədə danışacağıq.
1. Məktəbli çantası: dərslikləri, dəftərləri və digər zəruri əşyaları daşımaq üçün rahat və davamlı olmalıdır. Ortopedik arxası və tənzimlənən çiyin qayışları olan modellərimiz balacalarımızın belindəki gərginliyi azaltmağa kömək edəcək.
2. Dərsliklər və dəftərlər: tədris proqramına uyğun olaraq sizə məktəbdən siyahı təqdim olunacaq. Burada yazılan hər şeyi əvvəlcədən alsaz işiniz yüngülləşəcək. Seçim zamanı dəftərlərin keyfiyyətinə diqqət yetirin ki, uşaqlar rahat yaza bilsinlər.
3. Yazı vasitələrindən ibarət dəst. Sizə qələmlər, sadə və rəngli karandaşlar, pozanlar, qələm yonanlar və markerlər lazımdır. Qələmləri seçərkən onların rahatlığına və yazı rəvanlığına xüsusi diqqət yetirin.
4. Qovluqlar və portfellər. Ev tapşırıqlarını, rəsm və çertyojları saxlamaq üçün olan qovluqların bölmələri və ölçüsünə diqqət yetirin.
5. Xətkeşlər. Riyaziyyat və rəsm tapşırıqları üçün mütləq olan xətkeşlərin müxtəlif variantları mövcuddur.
Onların davamlı materiallardan hazırlandığından və aydın bölmələrə malik olduğundan əmin olun.
6. Qeydlər üçün notebooklar. Burada uşaqlar daha mütəşəkkil olub ev tapşırıqlarını, həmçinin istək və ideyalarını qeyd edə biləcəklər.
7. Yaradıcılıq aksesuarları. Övladlarınızın xüsusi bacarıqlarını inkişaf etdirmək üçün rəngli boyalar, fırçalar, sadə və rəngli karandaşlardan ibarət dəstin olması vacibdir. Bu, təhsili şaxələndirməyə və yaradıcı düşüncəni stimullaşdırmağa kömək edəcək.
8. Orqanayzer çantalar. Düymələr, saç sancaqları, rezin bantlar və digər xırda əşyaları saxlamaq üçün nəzərdə tutulmuş kiçik düzənləyicilər uşaqların köməyinə çatacaq.
Nəticə: məktəbə hazırlıq sevinc və həyəcan dolu, maraqlı mərhələdir. Çanta və digər ləvazimatları seçərkən balacaların maraq və istəklərini nəzərə alın, həmçinin dərs prosesində onların rahatlığını təmin edin. Unutmayın ki, düzgün seçimlər bilik dünyasına ilk addımı maraqlı və uğurlu etməyə kömək edəcək.
